L’Unione-

(clicca qui per ascoltare la poesia in dialetto)

L'Uniuoni (tiitolo della poesia, è dedicata ad una  

 straordinaria

" Eccellenza del Territorio" 

Prof. Giuseppe Sestito,  di Chiaravalle  

di Giacinto Damiani - novembre 2015)

Mu fa na cosa bona

pi lu puopulu minchiuni

e mu sta miegghiu lu paisi;

pinsau: nci vò naccuordu

cuntra li divisiuoni.

E nci scrissa pi mu nvita,

a Prugriessu e Civirtà,

di tiempu divorziati

Viatu nci rispundiru;

si dissaru anurati -

è na bella niziativa,

è n'ottima pinsata.

Mu si fatiga nsiemi

ca ncè tantu di fari

pi ricchizza e benistari,

pi curtura e dignità.

E mò mu ndi parramu,

dumandau la Unione,

quand'è chi ndi iungimu

mu pigghiamu dicisiuoni?

La risposta è sibillina:

"Li partiti stabiliru

ca si ndi pò parrari,

ma non dissaru lu ijuornu".

E si nci cunvena l'aspittari?

Sindi futtanu di tutti,

e la cosa è riegulari,

cu rispiettu alli cientanni,

di la vostra tiernità.

Chista ancora, caru Mastru,

è la cruda vierità.

N.b. La poesia "L'esperienza", dedicata a Papa Francesco per il quarto anniversario del Suo Pontificato, esplicita tali concetti con diversi significativi riferimenti. (Clicca qui per visualizzarla)

"L'unione" era, è, sarà sempre l'essenza della cultura. 

Mastro Bruno senza "l'Unione" di braccia e cervelli, sarebbe stato, da solo, impotente.

La cultura non finalizzata all'unione genera individualismo, corruzione, danni.