Il sistema

IL SISTEMA

(di Giacinto Damiani - 21.11.2017)


Appare sempre più chiaro, oggi più di ieri è lampante, quanto la finanza internazionale e per essa alcuni governi sovranazionali condizionino scientemente l'economia e la vita dell'Europa, e non solo. Il tutto attraverso un sistema ormai consolidato. Da tale considerazione nascono "lu messaggiu di lu zzaccanu" - "la stampedha"   e ...

(Clicca qui per ascoltare la poesia in dialetto)

E' figghiu di pputtana o di l'astinziuoni?
ndi cunvinciu, ca di  lu lavuru
ti ndi puoi futtiri, picchì simu tutilati
cu copirativi, pinsiuoni e precariatu
di statu, regiuoni, pruvincia e cumuni
cassantegrazziuoni e no di ieri,
banchi chi hannu li miegghiu timunieri
moranu, sulu......di bona saluti.
Tuttu spirimintatu cu li municipalizzati
duvi unu fatiga e dieci su mbuscati
accussì ndi ndiebitamma e cu ndi
duna li dinari "lu sistema" (di li cravattari).
Ndi cumandanu, ndi spartanu, nommu
ndi capiscimu allu parrari dassaru li consonanti
 e si livaru li vocali, morali, valuri.  

 E,  di la bandera?

 ristau sulu lu culuri 


cuomu li piscicani, pi mu  futtanu dinari

a sbinturati e puru a l'annigati, nvintaru

lu gimillaggiu "africataliani".
Pinsaru già allu burca. Lu modellu no si tocca

e l'intrati su sicuri.
Pi l'italia? Azzurrru è lu culuri.

Picchì l'idea rigina è mu si futtanu l'uropa chi, pi

vicchiaia e curruzziuoni, arrivau allu capulinia. 

Servanu rieguli di puopulu, chi copia la natura. 

No li lieggi brutti   chi armanu casini ma, biedhi

cuomu a chdhi di li cuorvi e di li suriciaciedhji.