Mastru Brunu ha dimenticato?

          
Mastro Bruno ha dimenticato? (di giacinto damiani 11.8.2018)           

dedicata, con affetto e stima, al professore Giovanni Monteleone.

(Clicca qui per ascoltare la poesia in vernacolo)

Tu San Brunu, chi vinisti di Colonia, spiegami: 

 "l'intiriessi di Francia e di  Girmania,
 su guali a chidhi di la Serra e  l'artupianu"?

  chi  cchiù di la nazziuoni, è ridiculu e pacchianu?

N'onorevuli o nu senaturi, s'è sulu, chi po fari?

Lu Patritiernu  misa la Cammisa di forza puru a Tia 
cuomu a chidha di Chimirri e li 4 di Censori

d'obbidienza ceca e muta allu Supiriuori.

 Li lievi di cumandu su stranieri o su  taliani? 

la curtura?  ficia  terra margia e no di siminari 
e chidha webizzata o diffusa pi supposta?
sulu curruziuoni e, la pieiju leggi elettorali.



lu filosufu "gadamer" vacia ripitiendu:

la sula cosa chi spartuta pò’aumintari

esti la curtura e, si no pota circulari

porta la schimia, lu   broccu ciribrali,

lu suli chi  no  scarfa? miegghiu si no nescia,

l’unioni è cancellata,

 lu tirrituoriu è   fora mircatu

e lu cittadinu, si va bona, è ruvinatu

speci  si crida e pensa ca l'Uniuoni
è na brutta malatia e, no bona saluti 
simu futtuti,  cchiù di li curnuti, 

Tuttu va pirdutu e cancella lu dumani

 Manda figghi e religiuoni, a mani strani.

lu paisi, cu curtura e cu giustizzia, va a pputtani.

Ti priegu, fa quarcosa San Brunu no su sulu,
simu tanti, cangia stu caminu, menta Tu li mani.