U faddali da nanna "Poesie e racconti da favola" di Franco Restuccia.

di Franco Restuccia U Faddàli da Nanna Mi ricordu quand’eru figghjolu c‘a nanna avia sempri u faddàli, chi u d’operava in tutti i maneri sia pà ornamentu cà pè tutti i lavuri. Era pronta mu trasforma a panneja, pe nommu u si vruscia cacciandu a padeja e si ‘ncuna vota mi vidja giangìri. m’asciugava li lacrimi cu tantu piaciri. Si poi avìa la facci allordàta, na botta i faddàli e ritornava annettàta e si facìa friddu l’arrumbulava ‘nte vrazza, e lesta lesta mi piggjava u m’abbrazza. Quandu hjia mu pigghja l’ova o masunaru, lu adoperava comu nu panaru e quandu la hjòcca facìa i puricini. ‘chiji malatusi i cuppàva per beni. Avia pemmuu piggja ‘nta l’ortu 'a fagiola la mentia ‘ntò faddàli assemi 'a scalora e si subba ‘a tavula ‘nc’era purvaràta, pigghjava u faddali e si facìa ‘na ‘llisciàta. A tasca du faddali, sempi china a tenìa e cu sorrisu sempi mi dicìa: -menti la manu ca trovi ‘ncuna cosiceja, e io trovava o nu cunfettu o ‘na nuci o ‘na caramelleja. Ajeri lu vitti nta nu tiraturi stipàtu, e mi ricordai tuttu dispiaciutu. lu visu da da nanna da vecchaja singàtu, e mi misi u mu ciangju ricordandu ‘u passàtu.