Albo d'oro 2018 - "U brasceri" di Rocco Criseo

U BRASCERI

Arretu curri a menti e faci locu

A ddi sirat’i ‘nvernu nto brasceri 

Ssettati a rota tutti ‘ntorn’o focu                                

Na conch’e lignu pe ppojar’i pedi

                   

I facci russicavan’i caluri                                                   

E si faciva notti in cumpagnìa

Spittiddjav’a brascia e u hjuhhjaturi 

Tizzav’a bamp’all’artu mi caddìa 

                

U patri ca berritta e li cazzuni

A mamma cu lu sciallu e lu fantali 

U nonnu a testa bascia a penzuluni

Era nu mundu ‘nticu senza sciali

Nu temp’i misereddi e di signuri

Di scarpi rutti e di cadd’e mani 

A sira ddu brasceri era caluri

Chi dava forz’e hjatu a li viddani

               

Si caddìav’a nonna e ni niputeddi 

Cuntava favuleddi e cantileni

Di principi regini e di casteddi

Di gnomi fati draghi e di sireni 

Ddi brasc’i focu eranu ricchizza

Ricriu pe grandi e puru pe figghjoli

U cori si jinchiv’e cuntentizza

E si scangiav’e ‘nsiemi ddu paroli

Finiru ora li frischj e li frischjati 

Non si faci cchjù rot’a lu brasceri 

Dd’usanzi ‘ntichi sunnu ormai cangiati

Voliva pemmi tornu o temp’i jeri 

Rocco Criseo

Traduzione:

IL BRACIERE

Corre la mente indietro con la memoria

Alle serate d’inverno davanti al braciere

Seduti a ruota tutti intorno al fuoco

Una conca di legno per poggiare i piedi

I visi erano rossi di calore

E si faceva notte in compagnia

Scintillava la brace e il soffiatore

Attizzava la fiamma per riscaldare

Il padre con il berretto e i calzoni

La mamma con lo scialle e il grembiule

Il nonno a testa bassa a penzolone

Era un mondo antico senza godurie

Un tempo di miserelli e di signori

Di scarpe rotte e di calli alle mani

La sera il braciere era calore

Che dava forza e fiato ai contadini

Si scaldava la nonna e ai nipotini

Raccontava favole e cantilene

Di principi regine e di castelli

Di gnomi fate draghi e di sirene

Quelle braci di fuoco erano ricchezza

Sollievo per i grandi e per i piccoli

Il cuore si riempiva di contentezza

E si scambiava insieme due parole

Sono finiti ora i fischi e le fischiate

Non si fa ruota più davanti al braciere

Quelle usanze antiche sono cambiate

Volevo poter tornare ai tempi di ieri

Rocco Criseo