A ‘Mbertu Primu
(di Mastro Bruno Pelaggi)
Di
supa a ‘sta muntagna
Ti
jiettu ‘na gridata;
sientila
‘sta chiamata
ed
ejia priestu.
Non
mi fari ‘mu riestu
futtutu
di lu tuttu
ca
sai quant’esti bruttu
l’aspittari?!
Né
robba né dinari
truovi
alla casa mia,
perciò
ricurru a ttia,
si
bbue ‘mu sienti.
‘Sti
vuci e ‘sti lamienti
‘sti
pianti e ‘sti suspiri
Tòccali,
si non cridi,
culli
mani.
Vidi
cuom’è la fami
ca
pue mi cridi a mmia,
e
vidi s’è bugia
quantu
ti dicu.
Tu,
si ssi vieru amicu
di
li sudditi tue
opira
giustu e pue…
duormi
squitatu.
Si
vue ‘mu si aduratu
di
tutti l’Italiani
spàrtandi
lu pani,
sienti
a mmia;
ché
truoppu tirannia
pi
nnui povar’aggenti:
a
ccu tuttu, a ccu nenti
non
è giustu.
Duna
a ccu’ vue l’arrustu,
lu
miegghiu e lu cchiù gruossu,
a
nnui dunandi n’uossu,
cuomu
cani.
Sempi
lavuru e pani
circau
lu calabrisi,
tu
ti sciali di risi
e
cugghiunìji.
Apira
l’uocchi e vidi,
jetta
‘nu sguardu ‘ntuornu,
vidi
ca mai fa juornu
e
semp’è scuru;
apira
corchi lavuru
mu
nd’abbuscamu pani,
ca
la muorti di fami
è
truoppu cruda.
Taliani
culla cuda
ndi
carculasti a nnui…
Ma
tu si duru cchiui
di
‘nu macignu!
Mo’
chi cazzu mi ‘mpignu
‘mu
pagu la fundiaria,
si
la casa mi para
‘nu
spitali?
‘Nu
liettu e ‘nnu rinali,
‘na
seggia e ‘nnu vrascieri,
quandu
vena l’ascieri
pigghia
cazzi!!!
È
miegghiu ‘mu nd’ammazzi,
ch’è
miegghiu ‘mu murimu!
Chi
cazzu lu vulimu
‘stu
campari?
Non
putimu truvari
‘nu
journu di lavuru,
sempi
simu allu scuru
e
senza pani.
Basta!
«Simu taliani!»
Gridamma
lu «sissanta»
e
mmo’ avogghia ‘mu canta
la cicala!
La
fami culla pala
si
pigghia, e culla zzappa;
cu’
pota si la scappa
a
Novajorca;
a
nnu’atri ndi tocca
suffrir
a mmussu chiusu
e…
quaci allu pirtusu
di
lu culu.
Vidi
ca non su sulu
chi
cantu ‘sta canzuni,
ma
parecchi miliuni
d’italiani.
Gridamu
pilla fami,
miseria
e povirtà,
diciendu:
«Maistà,
pani
e luvuru!»
Si
parru cu ‘nnu muru
fuorzi
rispundiria,
ma
ca parru cu ttia
pierdu
lu tiempu.
Du’
vuoti ‘stu lamientu
a
ttia ti lu mandai,
non
ti dignasti mai
‘mu
mi rispundi?
Picc’hai
‘mu li nascundi
li
gridi calabrisi?
non
pagamu li spisi
‘guali
a tutti?
Ma
tu tindi strafutti,
li
deputati cchiùi,
duvi
‘ncappamma nui,
povara
genti!
Non
spirari cchiù nenti,
Calabria
sbinturata,
tu
si dimenticata
pi
‘nu tiernu
di
Dio, di lu Guviernu
e di
lu Ministeru;
di
‘na cruci e ‘nnu zeru
si
stimata
e
sulu si chiamata
alli
suoliti passi:
‘mu
paghi ‘mpuosti e tassi
e
nnenti cchiùi.
Io
mo’ parru cu bbui,
ministri
e deputati:
chi
cazzu priedicati
«Pro
Calabria»?
E
mmai si vida l’arva,
sempi
simu allu scuru;
non
truvamu lavuru
pi
‘nnu juornu!
Ggià
non avitii scuornu
sempi
‘mu prumintiti
e
mai nenti faciti
‘mu
campamu!
E
tu, nuostru Suvranu
mancu
nci dici nenti?
Non
vidi ca ‘sta genti
ndi
castijia?
Sempi
ndi cugghiunija,
a
tutti ‘sti paisi,
ca
sgravanu li spisi
e
fannu strati;
e
‘mbeci cchiù gravati
li
spisi e strati nenti
e
nnui povara genti
li
cridimu
e
ppue quandu vidimu
smurzata
la lanterna
cu
‘na recumaterna
addio Calabria!...
Commenti
Posta un commento