Tu, Signuri, cu mia ti la pigghiasti (Mastro Bruno Pelaggi)

Tu, Signuri, cu mia ti la pigghiasti 

(di Mastro Bruno Pelaggi)

Tu, Signuri, cu mmia ti la pigghiasti?

Quantu mi ndi mandasti pinitienza!

Io chi ti fici e tantu ti ‘ndignasti

e nnòn mi mandi nuja pruvvidienza?

Vidi ca, si la sciancu, pue mi sdiegnu

ed allu Paradisu mancu viegnu.

È viero ca ndai tanti tuornu tuornu

- e cu’ li po’ cuntari ad unu ad unu? –

ma puru ti dispiaci e corchi jornu

ca ti vuoti e non vidi a Mastru Brunu!

Ciertu ch’è cchiù lu ttue ca mio, lu scuornu,

si moru dispiratu all’addijunu…

Io non ti ciercu nuja cosa grossa,

sulu fatiga ‘mu mi ruppu l’ossa.

Tu sai ca scrissi a ‘Mbertu ed a Vittuoru

e nuju di li dui mi rispundiu,

ca chji abbadan’alli cazzi luoru

e di mia puocu si ndi strafuttiru.

Si Ttu mi fai ‘mu campu e non ‘mu muoru

pur’allu Papa vuogghiu ‘mu nci scrivu

pimmu dimanda allu nuostru Suvranu

si chist’è pruopria galateu cristianu!

La casa pi’ ccui non rispundiru

fu sulu ca circai lavuru e ppani…

(Ndi dissaru, cu ‘nna pigghiata ‘ngiru:

- «Accuntintativi d’essiri ‘taliani!»)

La fratillanza ndi la riduciru

‘mu ndi sbranamu cuomu tanti cani:

cu’ pigghia tuttu l’uossu e si lu sfrutta

e cu’ mora di fami e si strafutta.

‘Stu Guviernu ‘talianu – e guvirnanti –

(a ttia, Signuri, non ti dicu nenti)

‘nchiovan’a Ccristu e neganu li Santi…

a cc’arrivamma nu’, povara genti!

E ccu’ la pota cchiù tirari avanti?

Pi nnui non ava prupria ‘mu nc’è nenti?

Tu, chi di juoc’assupa tuttu vidi,

ndi sienti lamijiari e ti la ridi!!!

Tu sulu potarissi accumudari

li cuosi di ‘stu mundu scelleratu,

‘mu fai la terra ‘mu diventa mari,

accussì unisci la Chiesa e lu Statu.

Si ndi jerrìanu nfumu li dinari

di lavaru, m’affuca dispiratu

picchì non ci dispiacia di la vita

pi quantu ca pue perda la munita.

Vurrìa ‘mu sacciu di chi llu facisti,

di chi materia è fattu l’avaruni.

Fuorzi pigghiasti strunzi e li mungisti

e nci mintisti sucu di limuni;

pue cull’ardichi a muoju li mintisti

e stricasti nu piezzu di carvuni…

Duoppu fu tosta, ‘sta cumbinazziuoni,

tutti l’avari ti cattaru bbuoni!

Li miegghiu t’arrisciru l’italiani

ca su cchiù amanti di la religgioni

e portanu lu nuomu di cristiani:

vannu alla chiesa e fannu cumuniuoni

picchi lu previti nc’irgia li mani

e nci duna la santa assoluzziuoni,

pue d’arrietu si vota e li saluta…

Eccu sarvata l’anima futtuta!

Non criju ca si Ttu c’a st’assassini

a diluviu nci mandi li dinari

e a nnuatri povari mischini

mancu lu sulu pani ndi vue dari.

Ndi fai ‘mu ndi dannamu di jistimi

e sparti pue lu ‘Mpiernu ndi pripari!

Duoppu patimu tantu pue nd’arrusti

e t’avanti ca fai li cuosi ggiusti!!!

L’operaiu di chi lu cumpunisti

pimmu sumporta tanti patimienti?

Quali materia forti nci dunasti

pimmu cumbatta cu tutti li vienti?

‘Mu sbatta cud’avari ed egoisti

c’hannu di la turtura li strumienti?

Lavura pi ‘sti boja, suda e stenta

e mancu si po’ gurdari di pulenta,

Ndi criasti grandizzi, quantu mai!

e ccu’ po’ diri ca non si putenti? –

ma chista la facisti mala assai:

a ccu’ dunasti tuttu ed a ccu’ nenti.

Lu mundu è miegghiu nuovu ‘mu lu fai

ca chistu fattu è truoppu malamenti.

Ti priegu, fallu buonu, e cu ‘stu pattu

dunanci na fiuffiata a chistu fattu!...