Littira allu dimuonu (Mastro Bruno Pelaggi)

Littira allu dimuonu 

(di Mastro Bruno Pelaggi)

…E mo’ a cu’ scrivu cchiù: su tutti muti.

Nuddu mi rispundìu, scuntientu mia!

Io li prigài non li chiamai curnuti

e tanti cuosi giusti nci dicìa…

Nci dissi ca ccà simu strafuttuti!

Ti para can ci dissi la bugia?

Ma a nuddu serva cchiù mu si lamenta:

lu veru surdu è cu’ non mbo’ mu senta!

Scrissi allu Patritiernu e non mi ntisa,

puoi all’Arré ‘Mbertu chi nd’assassinaru.

Cu lu Signuri pirdivi la spisa,

cà a Chiddu natra vota lu nchiuvaru!

E ntantu jio ristai cu’ la cammisa,

cà li panni ch’avia si cunsumaru.

Mo’ nci scrivu a Lucifaru, a lu mpiernu

ch’è mperaturi di ‘nu gruossu riegnu.

Si statru non rispunda, si strafutta.

Armenu sacciu ca li pigghiai pari…

Scrissi prima alli supa, e mo’ alli sutta.

Chiddu d’ammmienzu dassamulu stari,

ch’è n’Arrecieddu buonu di cundutta:

sulu ch’è scarzicieddu di dinari,

si no di buonu cuori siriria

e corcosa mi dava puru a mia.

Ad ognuno chi scrissa nci dunàu

e tanti nd’aiutau povara genti

Puozzu cridiri ca mo’ li spicciau?

Io sacciu ca pi mia non ci fu nenti!

Po’ essiri mu si dimenticau,

o non mu nci passavi pi la menti…

Io sempi fui allu mundu spurtunatu:

Niscivi tundu e non muoru quatratu!

Nci vo’ furtuna e ‘nu cuornu allu culu:

quand’hai sta cosa puoi cadiri a mari,

cà chiddu cuornu si ndi nescia sulu

e lu culu puoi s’inchia di dinari.

A fundu non vai mai, statti sicuru,

cà la furtuna non ti fa annigari.

Avogghia ca s’infuria la timpesta,

cà non ti passa mancu pi la testa.

Ma la furtuna mia è ‘na gran signura…

ch’è veramenti figghia di puttana!

Cuomu sta attenta, cuomu tena cura

mu mi va cuntra, la vecchia ruffiana!

Si l’avria ntra l’unghi ‘na menz’ura

lu culu nci faria quantu ‘na tana!

‘Nu juornu la cuntrai ntra ‘nu palazzu:

ghìa mu l’affierru e m’acchiappai ‘nu cazzu.

Fughiu cuomu ‘nu lampu: arrassusia!

Tri vuoti la chiamai: non rispundiu,

tantu ca la prigai: furtuna mia!

Cà mi vutau li spaddi e scumpariu.

Io, l’amaru, m’aspetta nci dicia

mu guarda cuomu ognunu mi futtiu,

quantu mi strapazzai senza guadagnu!

E idda non vo’ mancu mu mi lagnu.

Mo’, la fazzu mu mpara di crianza,

cà ndi dicu a Minosse: “Afferamila!

e portamila ntra la miegghiu stanza,

duv’ava lu cchiù fuocu e vrusciamila.

Duoppu vrusciata tagghianci la panza

e quantu ti fa fami, mangiatila:

fanci mu paga ciò chi ficia a mia.

Ma guarda non mu futta pur’a tia…

Tu sai lu fattu tuoi, non buoi paruoli

dimuonu fusti, sempi spiritusu…

Vidi ca si t’afferra li stigghiuòli

ha’ mu ti la sumpuorti e mussu chiusu

ed avogghia ca gridi e ca ti duoli:

li scippa, e puoi ti resta lu pirtusu

Mientiti ammienzu l’anchi ‘nu landuni

Non mu ti crasta, mu ti fa capuni.

Tu ridi? Ma cu idda non si scherza!

Tieniti pronta a ‘na mani ‘ na mazza

all’altra mani tieniti ‘na pezza

mu nci l’attacchi all’uocchi a chidda cazza

Chiju ca siti quali di furtezza:

ti liga buonu, non mu ti strapazza.

La ghietti ntra li fiammi li cchiù vivi

e d’arriedi nci fai li lavativi.

E mo Luciferu è cuntientu tuttu,

vidiendu ca cu diddu mi vutai!

Jio di lu riegnu suoi mi ndi strafuttu,

cà ndava cchiù di ccà turmienti e guai.

Ch’esti ‘nu mperaturi tantu bruttu

io ntra la menti mi lu figurai.

Pì l’ambizziuoni a Dio nci misa guerra

e di lu cielu passau sutta terra.

Mo’ no’ scrivu cchiù a nuddu, cà mi ncrìsciu

di riestu, vuju ch’è tiempu pirdutu.

Lu Patrieternu mi passau di lisciu.

Jio non fici atru ca mu gridu: «Aiutu!»

St’atru suvranu dissa: - «Non capisciu

chi bo ‘stu calabrisi strafuttutu…

si natra vota mi scriva e mi nsurta

lu mientu carciratu e si trafutta”.