A Chichiriddì (Mastro Bruno Pelaggi)

A Chichiriddì

(di Mastro Bruno Pelaggi)

Scusa, Chichiriddì,

l’impertinenza mia,

cà io non ti sapìa

tantu struitu…

Pi chissu lu partitu

a tia mbitàu mu canti,

cà ti sapia li nguanti

e l’unghi lunghi.

Capaci di minsuogni

e di bestialità:

tutti sti qualità

ti li truvaru.

Jio chi sapia, lamaru

ca si tantu sapenti:

non sapia pruopria nenti

addirittura.

Ca vindivi virdura

mi lu dissa cchiù d’unu.

Mo tu di Mastru Brunu

chi bulivi?

Apira l’uocchi e bidi,

guarda duv’è ‘Cumpièssu’

vidi ca si lu stiessu

carculatu.

Lu Gnuri è truoppu all’atu:

tu non lu puoi arrivari

mancu lu puoi abbistari

cu la vista.

Iddu, si bo’, la crista

ti la po’ carusari

e ti li po’ scippari

li buttuni.

Puoi divienti capuni

e canti quantu vuoi

cu’ chiddi amici tuoi

caduti nterra.

Don Michieli Malerva,

Giustinianu Saliernu

ti lèvanu allu mpiernu

cu’ la banda.

Carcùnu puoi dimanda:

- «Sta’ banda, mo picchi?»

Passa Cchichiriddì,

mancu lu vidi?!

Mancu sienti ciangiri

lu partitu lu susu

chi chiuda lu pirtusu

a puocu a puocu?

Puoi cadi ntra lu fuocu

e t’abruschi ali e cuda:

e puoi pierdi la fuga

di la vranca.

Si mi la passu franca,

a lugliu, alla caduta,

li tiri cu’ la scupa

pari pari.

A Scrivu e a Barillari

ed allu Sindichicchiu?

nci catta lu fritticchiu

di lu fusu.

Passari a mussu chiusu li vittaru pi’ bia

‘na fimmin’issa: - «Ambia,

cu nci muriu?».