Alla Vergini Maria (Mastro Bruno Pelaggi)

Alla Vergini Maria 

(di Mastro Bruno Pelaggi)

Vergini Santa, Vergini Maria,

Tu chi duni l’aiutu a tutti quanti

Dunamindi ‘nu muorzu puru a mia.

Tu si l’anuri di tutti li Santi

e la rigina di la poesia.

Di Tia vuria mu cantu li grandizzi,

ma vijiu ca non è forza la mia!

Armenu sai chi bolaria mu fazzu?

Si riesciu, volaria  mu ti ringrazziu!

Lu cuori scoppia e l’uocchi lacrimannu.

Quandu l’anima è preda di l’assillu

non sempi li pinsieri lisci vannu!

Tosta è la petra e muoddu esti lu ndrillu!

Ma si la vina tiémpiru ntra st’annu

e truovu li cchiù miegghiu paraguni,

sientu ca ti cumbinu ‘nu suniettu

c’anura a mia, la Serra e lu dialettu.

Mpundi spiranza a lu caminaturi

e non nci fu pirzuna scunsulata

a cui non asciucàsti li suduri.

Sumigghi alla cchiù bella matinata,

quandu lu suli t’àpira lu cuori

e lu cielu ti mustra la jiurnata!

Bella ch’innamurasti lu Signuri!

Tri cuosi mustri tu supa a ‘su Visu:

lu chiantu, lu silenziu, lu surrisu…

Lu zzappaturi dicia: Dio pruvida,

cà sapa ca si compidau cu’ Tia,

cuomu la vecchiaredda quandu fila

chi turciendu ripeta: “AVE, MARIA!”

Lu surdu senta e lu cicatu vida

e lu pueta cògghia l’armunia

ntra li cuosi cchiù simprici, ma randi!

Ma ciò chi di lu curi mio si parta

pinna non po’ mintìri ntra la carta.

Ccà forsi nci vuria ‘na grossa vina,

o pi’ nchiustr’avirìa m’ùsu lu sango.

Pi’ mu parru di Tia, Mamma e Rigina!

……………...............

Omini chi criditi ca sapiti

non pirditi la vista di lu faru,

Vui già mancu a bui stiessi pirsuaditi

e lu sapiti quant’è nicissaru

‘nu puortu quand’a mari c’è timpesta

La religioni è cuomu chidda cosa

duvi l’anima stanca si riposa.