Alampi Filippo - l'arrivederci il ricordo

Caro Filippo Alampi il Comitato Civico Mastro Bruno. La Giuria ( Stirparo, Nardo, Tagliani, Varì) mi incaricano  di porgere a tutti i tuoi cari i sensi di grande dispiacere con l'arrivederci per la tua dipartita. Attraverso il patrocinio anche i tristi arrivederci di Serra, del Parco, del Museo della Certosa, di Radio Serra, Nardodipace, Soverato,. Gagliato, il parco d'Aspromonte.

 Col ritorno alla Casa del Padre farai dell'altro.

Un grazie per il tuo regalo, Immortale come te:
Funtana  Antica
 Vivrà, vivremo insieme.
Arrivederci Filippo.Grazie ancora.

FUNTANA ANTICA

(Filippo Alampi)

Antica funtana chi fai finta ca dormi

ammenzu 'e 'stu voscu chi para ncantatu;

estasiatu de' soi bellizzi e de' soi dintorni

San Brunu a Diu u vozzi cunsacratu.

Idu nte' 'stu voscu si nda jia girandu

offrendu a lu Signuri sacrifici e penitenza

e nginocchiuni nte' l'acqua si la facia pregandu

pemmu allevia, 'e chistu mundu, ogni sofferenza.

Quandu avia siti venia u trovi a tia

e, cunsumatu da' fatiga,ti si sdrajava vicinu

poi, a la to' acqua chi 'e nu scoggjju scurria,

si rifriscava e ripiggjjava u soi caminu.

I certosini 'e petra 'e granitu ti rivestiru

pecchì rimpettu t'avianu sepoltu a San Brunu

e supi u toi fruntala 'a data scolpiru

'e l'annu 'e Cristu milli centu novant'unu.

Nte' 'sti mill'anni nda vidisti d'ogni culuri

omini santi, viandanti onesti e briganti

chi vinnaru a tia pemmu u si caccianu l'arsuri

e tu i facisti pari e uguala a tutti quanti.

Tu sì funtana d'acqua e non tribunala

on vai guardandu ne meriti e ne peccati

on vai videndu cui fici bena o fici mala,

duni, sulu, acqua a cui è mortu 'e siti.